زائر زائر
| موضوع: اصبر و الرجل يصبر و مقياس الرجل صبره الثلاثاء 16 يونيو 2009 - 7:58 | |
| للإستماع للقصيده بصوت الشاعر https://www.youtube.com/watch?v=MzHKSXh9HgA
على الله يازمن بشكي جروحي والليالي طـوال عسى راعي العنا ينسى عناه وينشرح صــــدره .
على الله يازمن بشكي همومــي والهمــوم جبال تعدّت عاصمة حزنـي حـــــــدود العالـم بأسـره .
خساره يالسنين اللـي كتبتـي سيـرة الرحــــال فرحت أمس وحزنت اليوم بس الخوف من بكره .
لساني كم شكى صمته والى منّه حكى ماقـــــال طغى طبع السكوت بسيرة المحروم مــن صغره .
كبرت وكبرت أحلامي وصــــارت قصة الترحـال أماني في مهب الريح وحلـــــمٍ ماكتمـل بـدره .
بعين اللي مع أيامه جلس يبكي على الاطــــلال تذكر ماضـــــي أفراحـــــه اليـن خنقتـه العبـره .
انا منهو حمل همّه على راســـــه تقـول عقــال مجاديف الزمــــــن دارت عليه ونَسّـف الغتـره . وانا منهو فقد صوته وبعض الصوت به مــازال دعيـــت الله يفرّجـهــــا علـيّ وبحَّــت النبـره .
أشيل الحمل عن غيري وحملي صــار ما ينشال كما الشيخ الهزيل اللي مشيبه منقضٍ ظهـره . عزيزه يالعيون اللي حضنتي دمعـــــة الرجّـال حبستي دمعته بين المحاجر يوم ضاع أمــره .
عزيزه يالحروف اللي سكتي والكــــــلام يقـال حكيتي .. ماشكيتي الهمّ وهــمّ القلب يــاكبـره .
عزيزه ياليدين اللي ثنيتك باصعـب الاحــــــوال اكفّك ســاعة الحاجـه وامـدّك ســـاعـة القـدره .
وعزيز النفس لـو يصبر على صبر الليـــــالي نال ابصبر والرجل يصبر ومقياس الرجــــــل صبـره .
جروحي مزنةٍ منهـــا هطل فيض الشعر همّال سقت جدب العروق اللي تبلـل ريقهــا قطـره .
وعن حر الزمن صارت حروفي للجروح ظــلال تذرّت عن هبوب الياس حلمٍ قد بنـى قصـره .
عساها للمطر روحٍ بهــا وادي الظما ماســـال عروق سنينها جفّت وورّاها الزمـــن غـدره .
عساها للمطر روحٍ قضـــى مرباعهـا ماطـــال كساها ثوبها الاصفر .. وكانت تلبس الخضره .
على الله ينجلي وقـــتٍ قضيته همٍ و غربــــال ويشعّ النور في قلبٍ غشى ليل الظَلَم فجـره . على الله والولي الله وبامر الله يزيـن الحـــال ويضحك للزمن قلبٍ مع همومه قضى عمره
منقول
للشاعر / عبدالله بن عميره
|
|
ahdo اداري سابق
عدد المساهمات : 689 العمر : 43 المدينة : tanger الدولة : maroc نقط التميز : تاريخ التسجيل : 29/07/2008 نقاط : 470
| موضوع: رد: اصبر و الرجل يصبر و مقياس الرجل صبره السبت 20 يونيو 2009 - 20:22 | |
| | |
|
bouchramimi مشرفة الرسائل القصيرة للجوال
عدد المساهمات : 350 العمر : 36 المدينة : missour الدولة : maroc نقط التميز : تاريخ التسجيل : 07/05/2009 نقاط : 458
| موضوع: رد: اصبر و الرجل يصبر و مقياس الرجل صبره الجمعة 3 يوليو 2009 - 2:57 | |
| | |
|